सुर्खेत । वीरेन्द्रनगरबाट प्रहरीले लागूऔषधसहित दुई जनालाई पक्राउ गरेको छ। प्रहरीले उनिहरूलाई वीरेन्द्रनगर नगरपालिका–१२ पदमपुर पक्राउ गरेको हो।
लागूऔषध नियन्त्रण व्यूरो सुर्खेतबाट खटिएको प्रहरी टोलिले पदमपुर बस्ने २२ वर्षीय सुशील सुनार र चन्दननाथ नगरपालिका–६ जुम्ला घर भई वीरेन्द्रनगर–१० डेरा गरि बस्ने २३ वर्षीय देवेन्द्र सुनारलाई पक्राउ गरेको जनाएको छ।
उक्त प्रहरी टोली सुशीलको घरमा खानतलासि गर्दा उनीहरुको साथबाट लागूऔषध (ब्राउनसुगर) जस्तो देखिने धूलो पदार्थ फेला पारको थियो।
साथै उनिहरूबाट प्रहरीले १ पोका लागूऔषध, दुई थान नापतौल गर्ने डिजिटल तराजु थान, एक थान कैचि, दुई थान धागो र नगद सात हजार तीन सय रुपैयाँ समेत बरामद गरेको जनाएको छ।
