क्वालालम्पुर, मलेसिया — सुदूरपश्चिमेली नेपाली समाज मलेसियाको आयोजनामा आगामी ६ सेप्टेम्बर २०२६ मा क्वालालम्पुरस्थित होटल ग्रान्ड कन्टिनेन्टलमा भव्य रूपमा ‘गौरा पर्व विशेष कार्यक्रम’ आयोजना हुने भएको छ।
सुदूरपश्चिम तथा मध्यपश्चिम क्षेत्रको मौलिक संस्कृति, परम्परा र सांस्कृतिक पहिचानको संरक्षण तथा प्रवर्द्धन गर्ने उद्देश्यले आयोजना गर्न लागिएको उक्त कार्यक्रम बिहान ११:०० बजेदेखि सुरु हुनेछ।
आयोजकका अनुसार कार्यक्रममा माननीय दीपक बोहरा प्रमुख अतिथिका रूपमा सहभागी हुनुहुनेछ भने नेपाल राजदूतावास, मलेसियाको विशेष उपस्थिति रहनेछ। कार्यक्रममा राष्ट्रिय कलाकार जे. आर. भट्टसहित मलेसियामा रहेका स्थानीय तथा प्रतिभाशाली कलाकारहरूले विभिन्न सांगीतिक तथा सांस्कृतिक प्रस्तुति दिनेछन्।
मलेसियामा रहेका नेपाली समुदायबीच आपसी एकता, सद्भाव र भाइचारा अझ मजबुत बनाउँदै सुदूरपश्चिमको मौलिक संस्कृति, परम्परा र पहिचानलाई नयाँ पुस्तासम्म पुर्याउने उद्देश्यले कार्यक्रम आयोजना गर्न लागिएको समाजका अध्यक्ष **दिनेश खड्का ‘खप्तडी’**ले जानकारी दिनुभयो।
सुदूरपश्चिमको मौलिक सांस्कृतिक पहिचान झल्काउने यस विशेष कार्यक्रममा मलेसियामा रहेका सम्पूर्ण नेपाली दाजुभाइ तथा दिदीबहिनीहरूलाई उपस्थित भई कार्यक्रमको गरिमा बढाइदिनुका साथै सहयोग र सहभागिताका लागि आयोजकले हार्दिक अनुरोध गरेको छ।
