मलेसिया – किराँत याक्थुङ चुम्लुङ (केवाईसी) जोहोर, मलेसियाले आफ्नो प्रथम अधिवेशन–२०२६ आयोजना गर्ने भएको छ।
संस्थाका अनुसार “भाषा बाँचे संस्कृति बाँच्छ, संस्कृति बाँचे माटो बोल्छ” भन्ने मूल नाराका साथ आयोजना हुन लागेको उक्त कार्यक्रममा विदेशमा रहेर पनि आफ्नो कार्यव्यस्तताका बाबजुद लिम्बू समुदायको भाषा, कला, संस्कृति र पहिचान संरक्षणमा संगीत क्षेत्रमार्फत योगदान पुर्याउने कलाकारहरूलाई सम्मान गरिनेछ।
कार्यक्रममा जोहोर तथा मलेसियाका विभिन्न क्षेत्रबाट रहेका लिम्बू समुदायका सदस्यहरूको उल्लेखनीय सहभागिता रहने आयोजकले जनाएको छ। अधिवेशनले संस्थाको आगामी कार्यदिशा तय गर्नुका साथै नयाँ नेतृत्व चयन गर्ने अपेक्षा गरिएको छ।
कार्यक्रम २०२६ जुलाई १९ (आइतबार) बिहान १०:०० बजे JO Hotel, Johor Bahru मा आयोजना हुनेछ।
आयोजकले मलेसियामा रहेका सम्पूर्ण किराँत–लिम्बू समुदाय तथा शुभेच्छुकहरूलाई कार्यक्रममा उपस्थित भई सफल बनाउन आग्रह गरेको छ।
आयोजक:
किराँत याक्थुङ चुम्लुङ (केवाईसी) जोहोर, मलेसिया
मिति: १९ जुलाई २०२६ (आइतबार)
समय: बिहान १०:०० बजे
स्थान: JO Hotel, Johor Bahru, Malaysia
