क्वालालम्पुर । Non-Resident Nepali Association Malaysia ले अन्तर्राष्ट्रिय श्रमिक दिवस तथा नेपाली नयाँ वर्ष २०८३ को अवसरमा शुभकामना आदान–प्रदान कार्यक्रम आयोजना गर्ने भएको छ।
संघका अनुसार उक्त कार्यक्रम आगामी १ मे २०२६ का दिन दिउँसो १ बजेदेखि साँझ ५ बजेसम्म Hotel Grand Continental Kuala Lumpur मा आयोजना गरिनेछ।
मलेसियामा कार्यरत नेपाली श्रमिक, विभिन्न सामाजिक संघ–संस्थाका प्रतिनिधि, बुद्धिजीवी, सञ्चारकर्मी तथा नेपाली समुदायका सदस्यहरूबीच आपसी सद्भाव, एकता र सहकार्य अभिवृद्धि गर्ने उद्देश्यले कार्यक्रम आयोजना गर्न लागिएको आयोजकले जनाएको छ।
कार्यक्रममा नेपाली नयाँ वर्ष २०८३ को शुभकामना आदान–प्रदानका साथै अन्तर्राष्ट्रिय श्रमिक दिवसको सन्दर्भमा श्रमिकहरूको योगदानको सम्मानसमेत गरिने बताइएको छ। कार्यक्रममा मलेसियास्थित नेपाली समुदायको उल्लेखनीय सहभागिता रहने अपेक्षा गरिएको छ।
कार्यक्रममा स्थानीय कलाकारहरूको बेजोड सांगीतिक प्रस्तुति समेत रहने संघका महासचिव बिष्णु प्रसाद बरालले हिराेनेपाल टिभिलाई जानकारि दिनुभएकाे छ ।
कार्यक्रमलाई सफल बनाउन आयोजकले मलेसियामा रहेका सम्पूर्ण नेपाली दाजुभाइ तथा दिदीबहिनीहरूलाई उपस्थितिका लागि आग्रह गरेको छ।
