सुर्खेत — ठाटीकाँध गाउँपालिका वडा नं. ३ विशाला दैलेखका स्थानीय आमाबुबा, दाजुभाइ तथा दिदीबहिनीहरूबीच नयाँ वर्ष २०८३ को पावन अवसरमा शुभकामना आदानप्रदान तथा चियापान कार्यक्रम आयोजना गरिने भएको छ।
नव वर्षको स्वागतसँगै आपसी सद्भाव, एकता र भाइचाराको भावना अभिवृद्धि गर्ने उद्देश्यले उक्त कार्यक्रम गर्न लागिएको आयोजकले जनाएको छ।
कार्यक्रम यही २०८२ चैत १४ गते बिहान ११:०० बजे शुभ होटल सुर्खेत मा आयोजना हुनेछ।
कार्यक्रमको आयोजना नवपरिवर्तनशील युवा समाज, ठाटीकाँध–३, विशाला, दैलेख ले गरेको हो।
सम्पूर्ण स्थानीयवासीलाई कार्यक्रममा उपस्थित भई नव वर्षको शुभकामना साटासाट गर्न आयोजकले हार्दिक निमन्त्रणा दिएको छ।
