०७ मंसिर २०८३, आइतबार
22-11-2026 , Sun
×

लड्केश्वर धाम : जनआस्थाले पुनर्जीवन दिएको कालाग्निरुद्र पीठ

Logo
HeroNepal-tv प्रकाशित बुधबार, जेठ ०१, २०८२

पनौती, काभ्रे । धार्मिक, सांस्कृतिक र ऐतिहासिक दृष्टिकोणले अत्यन्त महत्वपूर्ण मानिएको लड्केश्वर धाम पछिल्लो दशकमा पुनर्जीवित हुँदै विश्वकै एकमात्र कालाग्निरुद्र पीठका रूपमा उभिन थालेको छ । काभ्रेको पनौती नगरपालिका–११ मा अवस्थित यो पवित्रस्थल सूर्य पुराणको ५७ औँ अध्यायमा वर्णित कालाग्निरुद्रको स्मरणसँग गाँसिएको छ, जसले यस धामको आध्यात्मिक महत्त्वलाई अझै उचाइमा पुर्‍याएको छ ।

अलपत्र अवस्थाबाट जागरणको यात्रातर्फ :

झन्डै २० वर्षसम्म निर्माणाधीन अवस्थामा अलपत्र रहेको १०८ फिट अग्लो शिव त्रिशूल र १०८ वटा शिवधारालाई जनआस्थाबाट पुनर्निर्माण गरी २०८० सालमा सम्पन्न गरिएको राष्ट्रिय कोटिहोम मार्फत लड्केश्वर धामलाई धार्मिक जागरणको केन्द्रका रूपमा पुनःस्थापित गरिएको हो ।

यो भव्य कोटिहोममा नेपालका ७७ वटै जिल्लाबाट श्रद्धालुहरूको सहभागिता थियो, जसमा राष्ट्रपतिदेखि पूर्वराजासम्मको उपस्थिति रहेकोले कार्यक्रमको गरिमा ऐतिहासिक बनाएको छ ।

संकल्पकर्ता पत्रकार, नेतृत्व आध्यात्मिक :

राष्ट्रिय कोटिहोमका संकल्पकर्ता श्री मुकुन्द शर्मा हुमागाईं हुन्, जो पत्रकारिताबाट धार्मिक नेतृत्वतर्फ प्रवेश गरेका एक सक्रिय व्यक्तित्व हुन् । उनका अनुसार, लड्केश्वर धाममा रहेको शिवशक्तिको जागरण कालाग्निरुद्र तत्त्व सँग मेल खान्छ, जसको पुष्टि पीठाचार्य अरुणकुमार पाण्डेले पुराण सन्दर्भसहित गरिसकेका छन् ।

उनकै अगुवाइमा देशभर रथयात्रा सम्पन्न गरिएको थियो, जसले धर्मप्रति जनचेतना जगाउन ठूलो भूमिका खेलेको छ । राष्ट्रिय धर्म सभा नेपालले शर्मा हुमागाईंलाई लड्केश्वर धामको पीठाधीशको उपाधिबाट सम्मान गरेको छ । अहिले उनलाई “कालाग्निरुद्रका प्रतिनिधि” का रूपमा पनि चिनिन थालिएको छ ।

धार्मिक पर्यटन र साधना केन्द्रको सम्भावना :

लड्केश्वर धाम केवल पूजाआर्चना केन्द्र मात्र होइन, साधना, अनुसन्धान र धार्मिक पर्यटनको महत्वपूर्ण स्थल बन्दै गएको छ । हरेक वर्ष हरिबोधिनी एकादशी, गंगा दशहरा र धान्यपूर्णिमाजस्ता पावन अवसरमा विशेष साधनामूलक कार्यक्रम आयोजना गरिन्छ, जसले यस क्षेत्रलाई आध्यात्मिक ऊर्जा केन्द्रका रूपमा परिचित गराउँदै छ ।

२०८२ सालको गंगा दशहरा मेला जेठ १४ गतेदेखि सुरु हुँदैछ, जुन अवसरमा लड्केश्वर पीठको स्थापनाको एक वर्ष पनि पूरा हुनेछ । उक्त मेलामा देशभरका धर्मविद्, विद्वान, श्रद्धालु एवं जनप्रतिनिधिहरूलाई सल्लाह र सुझावका लागि आमन्त्रण गरिएको छ ।

अविरल यात्रा : दोस्रो कोटिहोमको तयारी :

२०७९ सालदेखि सुरु गरिएको कोटिहोम अभियानको पहिलो चरण सकिएसँगै अहिले देशभर लक्षहवन मार्फत प्रसाद वितरण र प्रचार अभियान चलिरहेको छ । २०८२ को वैशाखसम्म ६ वटा लक्षहवन सम्पन्न भइसकेका छन् भने २०८३ सालको माघ शुक्लपक्षमा दोस्रो राष्ट्रिय कोटिहोम आयोजना गर्ने तयारी तीव्र गतिमा भइरहेको छ ।

लड्केश्वर धामले धार्मिक चेतना, राष्ट्रिय एकता र सांस्कृतिक गौरवको संयोजन गर्दै अगाडि बढिरहेको सन्दर्भमा राज्य र समाज दुवै पक्षबाट सहयोग अपेक्षित छ । यस्तो अभियान केवल आस्थाको कुरा मात्र नभई राष्ट्रिय सम्पदाको संरक्षण र सम्वर्द्धनको संवेदनशील पहल पनि हो ।

कमेन्ट गर्नुहोस्
सम्बन्धित

आज मिति वि. सं. : २०८३ कार्तिक २ गते सोमबार इ.सं. : 19th October 2026 (Monday) सूर्योदय: बिहान ०६:०६ बजे सूर्यास्त: बेलुका १७:२९ बजे तिथि : अष्टमी ०७:५३ सम्म, तत्पश्चात् नवमी पक्ष : आश्विन शुक्लपक्ष नक्षत्र : उत्तरषाढा १४:०२ सम्म, तत्पश्चात् श्रवण योग : धृति २४:०५ सम्म, तत्पश्चात् शूल करण : बव ०७:५३ सम्म, तत्पश्चात् […]

आज मिति वि. सं. : २०८३ असोज २२ गते बिहिबार इ.सं. : 8th October 2026 (Thursday) सूर्योदय: बिहान ०६:०० बजे सूर्यास्त: बेलुका १७:४१ बजे तिथि : त्रयोदशी २१:५५ सम्म, तत्पश्चात् चतुर्दशी पक्ष : आश्विन कृष्णपक्ष नक्षत्र : पूर्वफाल्गुनी २२:०८ सम्म, तत्पश्चात् उत्तरफाल्गुनी योग : शुक्ल २६:४२ सम्म, तत्पश्चात् ब्रह्म करण : गर १०:३२ सम्म, तत्पश्चात् […]

आजमिति  वि. सं. : २०८३ असोज १८ गते आइतबार इ.सं. : 4th October 2026 (Sunday) सूर्योदय: बिहान ०५:५८ बजे सूर्यास्त: बेलुका १७:४५ बजे तिथि : अष्टमी ०७:२९ सम्म, तत्पश्चात् नवमी पक्ष : आश्विन कृष्णपक्ष नक्षत्र : पुनर्वसु २६:३० सम्म, तत्पश्चात् तिष्य योग : परिघ १५:५० सम्म, तत्पश्चात् शिव करण : तैतिल १८:१८ सम्म, तत्पश्चात् गर […]