मलेसिया := मलेसिया सरकारले गैरकानुनी हैसियतमा रहेका आप्रवासी अवैधानिक नेपालीसंगै विदेशी कामदारहरुलाई स्वदेश फिर्ता अर्थात घरफिर्ती कार्यक्रम सुचारु गर्ने भएको छ् ।
सन् २०२३ डिसेम्बर ३१ तारिख मलेसियामा रहेका अवैधानिक विदेशी कामदारले भिसा लगाउन मिल्ने रिक्यालिब्रेसी तेनागा केरजा २.० को अवधी सकिए लगत्तै मलेसियाली सरकारले घरफिर्ती कार्यक्रम सुरु गर्न लागिएको हो ।
स्वदेश “घरफिर्ती” कार्यक्रम यहीँ मिति सन् २०२४ मार्च १ तारिखदेखि सुरु गरिने मलेसिया सरकारको गृहमन्त्री सैफुदिन नासुशन बिन इस्माईलले बताएकाछन ।
मलेसियन गृहमन्त्रीका अनुसार अवैधानिक रहेका विदेशी श्रमिकहरुले आफैं मलेसियाली अध्यागमन बिभागमा उपस्थित भएर जरिवाना वापत्तको लाग्ने रकम आरएम ५०० रिंगेट तिरेर स्वदेश फिर्ती हुन पाउनेछ्न् ।
घरफिर्ती कार्यक्रम सुरु हुने भएसंगै मलेसियामा अवैधानिक हैसियतमा रहेका नेपाली कामदारहरु लाई स्वदेश फिर्ती हुन सहज हुने भएको छ ।
