क्वालालम्पुर : थारु कल्याणकारिणी सभा केन्द्रिय समिति मले’सियाले तराई-मधेसको भुमिपुत्र नेपाली थारु समुदायको प्रमुख राष्ट्रिय पर्व “माघी”को अवसरमा शुभकामना कार्यक्रम आयोजना गर्ने तय भएको छ ।
शुभकामना आदानप्रदान कार्यक्रममा उपस्थित हुने नेपाली जनसमुदायको लागि थारु समुदायको संस्कृति झल्किने नृत्य प्रस्तुति को साथै थारु समुदायको प्रमुख परिकार घोङ्गी , बगिया , ढिकरी लगायत खानाको समेत ब्यवस्था गरिएको आयोजक संस्था थाकसका सभापति मनिराम चौधरीले बताए ।
माघी मिलन तथा शुभकामना आदानप्रदान कार्यक्रम यहीँ मिति सन् २०२४ जनवरी १४ तारिख आईतवार क्वालालम्पुरमा अवस्थित गैर आवासीय नेपाली संघ (एनआरएनए) मले’सियाको कार्यालय सभा हलमा आयोजना हुने तय भएको थाकस मलेसिया समितिका सभापति मनिराम चौधरीले बताए ।
साथै आईतवारको माघी शुभकामना आदानप्रदान कार्यक्रममा मलेसियामा रहनु भएका सम्पुर्ण नेपाली जनसमुदाय उपस्थित हुन मिल्ने सभापति चौधरीले बताए ।
थाकस मलेसियामा सन् २०१६ मा स्थापित एक जातीय सामाजिक संस्था हुन् । थाकस मलेसियाले आफ्नो स्थापना कालदेखि नै मलेसियामा रहेका पीडित नेपाली संगै नेपालमा समेत सक्दो आर्थिक भौतिक सहयोग गर्दै आईरहेका छ्न ।
